Delhi Waqf Board Case:ఆప్‌ ఎమ్మెల్యేను అరెస్ట్ చేసిన ఈడీ

ఢిల్లీ వక్ఫ్ బోర్డు(Delhi Waqf Board)కు సంబంధించిన ఆర్థిక అవకతవకలకు సంబంధించి మనీలాండరింగ్ కేసు(Money Laundering Case)లో ఆప్‌ ఎమ్మెల్యే అమానుతుల్లా ఖాన్‌ను(AAP MLA Amanatullah Khan)ఈడీ (ED)అరెస్ట్ చేసింది. ఢిల్లీ వక్ఫ్ బోర్డ్ కేసులో ఖాన్‌కు జారీ చేసిన సమన్లను పట్టించుకోనందున ట్రయల్ కోర్టు(Trial court)లో ఖాన్‌పై పెండింగ్‌లో ఉన్న విచారణలను నిలిపివేయడానికి ఢిల్లీ హైకోర్టు నిరాకరించిన తర్వాత అరెస్టు జరిగింది. పిటిషన్‌పై ఈడీ ప్రతిస్పందనను కోరింది. మనీలాండరింగ్ కేసుకు సంబంధించి ఏజెన్సీ సమన్లను పాటించడం లేదని ఈడీ దాఖలు చేసిన ఫిర్యాదులో తనకు సమన్లు ​​జారీ చేస్తూ మేజిస్ట్రేట్ కోర్టు ఏప్రిల్ 9 నాటి ఉత్తర్వులను సమర్థిస్తూ, సిటీ కోర్టు జూలై 31 నాటి ఉత్తర్వులను పక్కన పెట్టాలని ఖాన్ కోరాడు. తనను అరెస్ట్ చేసేందుకు ఎన్‌ఫోర్స్‌మెంట్ డైరెక్టరేట్ (ED)తన ఇంటికి వచ్చిందని ఆమ్ ఆద్మీ పార్టీ (AAP)ఎమ్మెల్యే అమానతుల్లా ఖాన్ సోమవారం పేర్కొన్నారు. తనను అరెస్టు చేసి వేధించడమే దర్యాప్తు సంస్థ లక్ష్యం అని ఖాన్ వీడియో సందేశంలో తెలిపారు. నన్ను అరెస్ట్ చేయడానికి ED నా ఇంటికి వచ్చింది. దేశంలోని ఓ నియంత ఆదేశాలతో అతని తోలుబొమ్మ ఈడీ నా ఇంటికి వచ్చిందని ఖాన్‌ ఆరోపించారు. ఏప్రిల్ 4న, ED ఖాన్‌పై సెక్షన్‌ 190, సెక్షన్ 174, ప్రివెన్షన్ ఆఫ్ మనీ లాండరింగ్ యాక్ట్, కింద కేసు నమోదు చేశారు. PMLA సెక్షన్ 50 కింద అతనికి సమన్లు ​​జారీ చేశారు. కాగా ఎమ్మెల్యే ఖాన్‌ అరెస్ట్‌పై ఆప్‌ తీవ్రంగా మండిపడుతోంది. రాజకీయంగా ఎదుర్కొనలేక కక్ష సాధింపు చర్యల్లో భాగంగానే ప్రతిపక్ష నేతలపై ఈడీని ఉసుగొల్పుతున్నారని ఆప్‌ నేతలు ఆరోపించారు.