Father sexually assaults daughter: నాన్నా నేను నీ కూతురిని నాన్నా.. నన్ను కరుణించు నాన్నా.. అయినా వదలని కసాయి తండ్రి..!

ఢిల్లీలో ఓ తండ్రి అనే స్థానానికి కళంకం తెచ్చాడు. తండ్రి అనే పవిత్ర బంధానికే కళంకం తెచ్చేలా దారుణంగా ప్రవర్తించాడు. పహర్‌గంజ్ ప్రాంతానికి చెందిన గౌరవ్ కుమార్ అనే వ్యక్తి, తన 14 ఏళ్ల కుమార్తెపైనే లైంగిక దాడి పాల్పడ్డాడు. నాన్నా నేను నీ కూతురిని నాన్నా నన్ను వదిలిపెట్టు నాన్నా అని కూతురు బతిమిలాడినా ఈ కామపిశాచి వదలలేదు

నిందితుడు గౌరవ్ కుమార్ భార్య తన సొంత ఊరైన బీహార్‌కు వెళ్లిన సమయంలో, అతను తన 14 ఏళ్ల, 8 ఏళ్ల ఇద్దరు కూతుర్లతో కలిసి ఇంట్లో ఉన్నాడు. ఇదే అదనుగా భావించిన కసాయి తండ్రి జనవరి 31వ తేదీ రాత్రి తన పెద్ద కూతురుపై బలవంతంగా లైంగిక దాడికి పాల్పడ్డాడు. ఈ విషయం ఎవరికైనా చెబితే చంపేస్తానని బెదిరించడంతో, ఆ బాలిక ప్రాణభయంతో కొన్ని రోజులు మౌనంగా ఉండిపోయింది. ఆ బాలిక భయాన్నే అవకాశంగా తీసుకున్న నిందితుడు, గత 15 రోజుల్లో పలుమార్లు ఆమెపై లైంగిక దాడి చేశాడు. ఇక తండ్రి అరాచకాన్ని భరించలేక ధైర్యంగా పోలీసులను ఆశ్రయించిన బాలిక. తండ్రి చేస్తున్న నిరంతర వేధింపులను, వర్ణించలేని చిత్రహింసలను భరించలేకపోయిన ఆ బాలిక, చివరకు ధైర్యం చేసి పోలీస్ స్టేషన్ మెట్లెక్కింది. అక్కడ ఆమె ఇచ్చిన వాంగ్మూలం విని పోలీసులే విస్తుపోయారు. బాలిక ఫిర్యాదు మేరకు కేసు నమోదు చేసిన పహర్‌గంజ్ పోలీసులు, నిందితుడు గౌరవ్ కుమార్‌ను వెంటనే అరెస్ట్ చేసి జైలుకు తరలించారు. బాధితురాలికి ప్రస్తుతం వైద్య పరీక్షలు నిర్వహించి, ఆమెకు అవసరమైన మానసిక కౌన్సెలింగ్ మరియు రక్షణ కల్పిస్తున్నారు. నిందితుడిపై పోక్సో (POCSO) కేసు నమోదు చేశారు.