పరీక్ష రాస్తుండగా పీరియడ్స్‌.. బాలికను బయటకు పంపించిన టీచర్..!

తమిళనాడులోని కోయంబత్తూరులో 8వ తరగతి విద్యార్థినికి పీరియడ్స్‌ ఉండటంతో తరగతి గది వెలుపల సైన్స్ పరీక్ష రాయించారని సమాచారం. సెంగుట్టైలోని ఓ ప్రైవేట్ పాఠశాలలో ఈ సంఘటన జరిగింది. ఇప్పుడు వైరల్ అయిన ఒక వీడియోలో, ఆ చిన్నారి తల్లి ఆమె వద్దకు పరిగెత్తుకుంటూ వెళ్లి ఏమి జరిగిందని అడుగుతోంది. ప్రిన్సిపాల్ తనను బయట కూర్చోబెట్టారని విద్యార్థిని తన తల్లికి చెబుతుంది. తీవ్రంగా కలత చెందిన తల్లి, ఒక విద్యార్థిని తన పీరియడ్స్ సమయంలో బయట కూర్చోబెట్టి పరీక్ష ఎలా రాపిస్తారని ప్రశ్నించింది. ఈ సంవత్సరం జనవరిలో ఉత్తరప్రదేశ్‌లో కూడా ఇలాంటి తరహాలోనే ఓ ఘటన జరిగింది. ఓ బాలికల పాఠశాలలో 11వ తరగతి విద్యార్థిని పరీక్ష రాస్తుండగా శానిటరీ నాప్కిన్ అడిగినందుకు గంటసేపు తరగతి గది నుండి బయటకు వెళ్లమని చెప్పినట్లు సమాచారం. తన కుమార్తె పరీక్ష కోసం పాఠశాలలో ఉన్నప్పుడు తన రుతుక్రమం ప్రారంభమైందని గ్రహించిందని ఆ బాలిక తండ్రి ఫిర్యాదు చేశారు. ప్రిన్సిపాల్‌ను శానిటరీ ప్యాడ్ అడిగిన తర్వాత, తనను తరగతి గది నుండి బయటకు వెళ్లమని ఆదేశించారని, దాదాపు గంటసేపు బయట నిలబడమని బలవంతం చేశారని ఫిర్యాదుదారుడు తెలిపారు. ఆయన మహిళా సంక్షేమ శాఖ, రాష్ట్ర మహిళా కమిషన్, జిల్లా మేజిస్ట్రేట్, జిల్లా పాఠశాలల అధికారులకు ఫిర్యాదు చేశారు.