Mughal-E-Azam : వెండితెర ప్రణయ కావ్యం మొఘల్-ఎ-ఆజం.!
వెండితెరపై మహాద్భుత ప్రణయకావ్యంగా నిలిచిపోయిన మొఘల్-ఎ-ఆజం సినిమా గురించి ఎంత చెప్పుకున్నా తక్కువే! ఆ సినిమాలో తాన్సేన్ పాత్రధారికి బడే గులాంఅలీఖాన్ పాడిన ఆలాపన మధురాతిమధురం.. ఆ సన్నివేశంలో మధుబాల, దిలీప్కుమార్లు పండించే ప్రేమ చిరస్మరణీయం.. అంత గొప్ప రొమాంటిక్ సన్నివేశం ఇప్పటి వరకు రాలేదు.. రాబోదు కూడా! చిత్రమేమిటంటే ఆ ప్రణయ సన్నివేశంలో అద్భుతంగా నటించిన వీరిద్దరి మధ్య అ సమయంలో మాటలు లేవంటే నమ్మగలరా? నిజంగానే మాటలు లేవు..అలా ఎందుకు జరిగిందంటే... మధుబాల, దిలీప్ […]
Mughal E azam movie story and songs
వెండితెరపై మహాద్భుత ప్రణయకావ్యంగా నిలిచిపోయిన మొఘల్-ఎ-ఆజం సినిమా గురించి ఎంత చెప్పుకున్నా తక్కువే! ఆ సినిమాలో తాన్సేన్ పాత్రధారికి బడే గులాంఅలీఖాన్ పాడిన ఆలాపన మధురాతిమధురం.. ఆ సన్నివేశంలో మధుబాల, దిలీప్కుమార్లు పండించే ప్రేమ చిరస్మరణీయం.. అంత గొప్ప రొమాంటిక్ సన్నివేశం ఇప్పటి వరకు రాలేదు.. రాబోదు కూడా! చిత్రమేమిటంటే ఆ ప్రణయ సన్నివేశంలో అద్భుతంగా నటించిన వీరిద్దరి మధ్య అ సమయంలో మాటలు లేవంటే నమ్మగలరా? నిజంగానే మాటలు లేవు..అలా ఎందుకు జరిగిందంటే...
మధుబాల, దిలీప్ ఇద్దరూ ఒకరినొకరు గాఢంగా ప్రేమించుకున్నారు. అలాగని ఇద్దరికీ అది మొదటి ప్రేమేమీ కాదు.. దిలీప్ అంతకు ముందు కామినీ కౌశల్ను ప్రేమించాడు. ప్రేమ్నాథ్ను మధుబాల ప్రేమించింది.. బాదల్ సినిమాలో ప్రేమ్నాథ్లో కలిసి నటించిన మధుబాల అప్పుడే అతగాడిపై మనసుపడింది. ప్రేమ్నాథ్ హిందు. తండ్రికి తెలిస్తే ఒప్పుకోడని మధుబాలకు తెలుసు. అయితే 1953లో వచ్చిన ఔరత్ సినిమాలో నటించిన ప్రేమ్నాథ్ అందులో కథానాయిక బీనారాయ్ను అమితంగా ప్రేమించాడు. ఆమెనే పెళ్లి చేసుకున్నాడు. ఆ తర్వాత దిలీప్, మధుబాల దగ్గరయ్యారు. ఇద్దరి మధ్య 11 ఏళ్ల గ్యాప్ ఉన్నా మధుబాల తండ్రి అతాఉల్లా ఖాన్ పెళ్లికి అంగీకరించాడు. అందుకు కారణం దిలీప్ హీరోగా పెట్టి సినిమాలు తీసి డబ్బు సంపాదిద్దామన్న కోరిక. అందుకే పెళ్లికి కొన్ని కండిషన్లు పెట్టాడు. కూతురిని హీరోయిన్గా పెట్టి తను తీయబోయే ప్రతీసినిమాలో దిలీప్ హీరోగా నటించాలన్నది ప్రధాన డిమాండ్. దీనికి దిలీప్ ఒప్పుకోలేదు. పైగా ఇలాంటి షరతు పెట్టవద్దని మీ నాన్నకు చెప్పు అని మధుబాలతో చెప్పాడు. అయితే మధుబాల మాత్రం తండ్రిని ఎదిరించే సాహసం చేయలేకపోయింది. ఢాకే కీ మల్మల్ సినిమా షూటింగప్పుడు నటుడు ఓంప్రకాశ్ సమక్షంలో మధుబాలకు దిలీప్ ప్రపోజ్ చేశాడు. కాజీ సిద్ధంగాద ఉన్నాడు. నువ్వు ఓకే అంటే ఇప్పుడే పెళ్లి చేసుకుంటాను. నువ్వు నీ ఫ్యామిలీని వదిలేసి రావాలి. అని చెప్పాడు దిలీప్. దిలీప్ మీద అమితమైన ప్రేమ ఉన్నా కుటుంబాన్ని వదిలి రాలేకపోయింది.. దిలీప్కు మనసు విరిగిపోయింది. ఇది జరిగిన తర్వాత నయా దౌర్ సినిమా కోసం దిలీప్కుమార్, మధుబాలను బుక్ చేసుకున్నారు దర్శక నిర్మాత బీఆర్ చోప్రా. అవుట్డోర్ కోసం భోపాల్కు వెళ్లాలి. అలా వెళితే మధుబాలను దిలీప్ ఎక్కడ పెళ్లి చేసేసుకుంటాడోనన్న భయం అతాఉల్లాఖాన్ది! అందుకే ఔట్డోర్ షూటింగ్కు ఒప్పుకోనంటే ఒప్పుకోనని చెప్పేశాడు. బీఆర్ చోప్రాకు కోపం వచ్చింది. మధుబాలను తీసేసి ఆ ప్లేస్లో వైజయంతిమాలను తీసుకున్నారు. దాంతో పాటు మధుబాలపై కోర్టులో కేసు కూడా వేశారు. ఆ కేసులో దిలీప్ను సాక్షిగా పిలిచారు. కోర్టులో దిలీప్ నిజం చెప్పారు. అంటే మధుబాలకు వ్యతిరేకంగా సాక్ష్యం చెప్పారు. తన మీద ప్రేమ ఉన్నా తనకు వ్యతిరేకంగా సాక్ష్యం చెప్పడాన్ని మధుబాల సహించలేకపోయింది. ఇద్దరి మధ్య మాటలు బందయ్యాయి. అయినా మొఘల్-ఎ-ఆజమ్లో సలీం-అనార్కలీలుగా దిలీప్, మధుబాలలు అద్భుతమైన ప్రేమను పండించారు. ఆ చిత్రనిర్మాణ సమయంలో వారిద్దరి మధ్య మాటలు లేవంటే ఎవరూ నమ్మరు.
