Bites Cobra to Death : నాగుపామును కొరికి చంపిన ఏడాది బాలుడు..!

బీహార్‌లోని పశ్చిమ చంపారన్ జిల్లాలో జరిగిన ఒక అసాధారణమైన ఘటన జరిగింది. ఏడాది వయసున్న పసిబిడ్డ గోవింద తన పళ్ళతో ఒక నాగుపాము పామును కొరికి చంపాడు. మజౌలియా పోలీస్ స్టేషన్ పరిధిలోని ముజౌలి గ్రామంలో ఈ వింత సంఘటన జరిగింది. చిన్న గోవింద తన ఇంటి పైకప్పుపై ఆడుకుంటుండగా, సమీపంలో రెండు అడుగుల పొడవైన నాగుపాము కనిపించిందని ప్రత్యక్ష సాక్షులు చెబుతున్నారు. ఆ పాము ఏదో బొమ్మ అని భావించి, బాలుడు దానిని పట్టుకుని తన పళ్లతో దానిని కొరికి రెండు ముక్కలు చేశాడు. నాగుపాము అక్కడికక్కడే మరణించింది, పాము రెండు ముక్కలుగా విడిపోయింది.

పామును కరిచిన కొన్ని గంటల్లోనే, గోవింద ఆరోగ్యం క్షీణించడం ప్రారంభమైంది. అతను బలహీనంగా, స్పృహ కోల్పోయే పరిస్థితి రావడంతో అతని కుటుంబ సభ్యులు, మజౌలియా ప్రాథమిక ఆరోగ్య కేంద్రానికి తరలించారు. వైద్యులు వెంటనే అతన్ని మెరుగైన చికిత్స కోసం బెట్టియా ప్రభుత్వ వైద్య కళాశాల, ఆసుపత్రికి పంపారు. బాలుడిని క్షుణ్ణంగా పరీక్షించి, అతని శరీరంలో విషం సంకేతాలు లేవని తెలిపారు. అతను కరిచిన నాగుపాము బహుశా చిన్న పాము అయి ఉండవచ్చు, దాని విష గ్రంథులు చురుకుగా లేవు, చాలా తక్కువ విషం కలిగి ఉన్నాయి. బాలుడు సురక్షితంగా ఉన్నాడని వైద్యులు తెలిపారు. ఇది తెలిసి గ్రామస్తులంతా షాకయ్యారు.