Tragic Loss in Agra : యమునా నదిలో మునిగి ప్రాణాలు కోల్పోయిన ఆరుగురు యువతులు

ఆగ్రాలోని యమునా నదిలో ఒక దుర్ఘటనలో ఒకే కుటుంబానికి చెందిన ఆరుగురు బాలికలు మృతి చెందారు, ఇది స్థానికంగా తీవ్ర విషాదాన్ని నింపింది. ఈ ఘటన సికందరా పోలీస్ స్టేషన్ (Sikandra police station)పరిధిలోని ఒక గ్రామంలో జరిగింది. మృతులు ముస్కాన్( Muskan) (18), దివ్య(Divya) (13), సంధ్య(Sandhya)(12), నైనా(Naina) (14), సోనమ్(Sonam) (12), శివానీ(Shivani) (17). ఈ బాలికలు వేసవి సెలవుల్లో గ్రామానికి వచ్చి, సమీపంలోని పొలాల్లో పని చేస్తూ, వేడి నుంచి ఉపశమనం పొందేందుకు యమునా నది(Yamuna River)లో స్నానం చేయడానికి వెళ్లారు. బాలికలు నదిలో రీల్స్ తీస్తూ, ఆడుకుంటున్నారు. ఒకరి చేతులు ఒకరు పట్టుకుని ఉండగా, ఒక బాలిక కాలు జారి నీటిలో పడటంతో బలమైన ప్రవాహంలో అందరూ కొట్టుకుపోయారు. వేసవిలో నది ఎండిపోతుందని భావించి, స్నానానికి అనుమతించారు, కానీ ఊహించని విధంగా నీటి ప్రవాహం ఆ రోజు ఎక్కువగా ఉంది. సమాచారం అందుకున్న వెంటనే పోలీసులు, డ్రైవర్లు సంఘటనా స్థలానికి చేరుకుని శవాలను వెలికితీశారు. నాలుగు శవాలు వెంటనే కనుగొన్నారు. మిగిలిన ఇద్దరిని ఆస్పత్రికి తరలించారు, కానీ వారు కూడా చనిపోయారు. ఉత్తరప్రదేశ్ ముఖ్యమంత్రి యోగి ఆదిత్యనాథ్ ఈ ఘటనపై విచారం వ్యక్తం చేస్తూ, బాధిత కుటుంబాలకు సహాయం అందించాలని జిల్లా అధికారులను ఆదేశించారు.