Hindu Goddess Kali : చెంపలేసుకున్న ఉక్రెయిన్‌ రక్షణ మంత్రిత్వ శాఖ

ఉక్రెయిన్‌ రక్షణ మంత్రిత్వ శాఖ(Ukrainian Defence Ministry) తప్పు తెలుసుకుంది. లెంపలేసుకుంది. కాళీమాతా(Goddess Kali) మార్ఫింగ్‌ ఫోటో(Morphing Photo)ను తొలగించింది. కాళీ మాతాను హాలీవుడ్‌ తార మర్లిన్‌ మన్రోతో పోల్చడాన్ని భారతీయ సమాజం జీర్ణించుకోలేకపోయింది.

హిందువులు అమ్మగా ఆరాధించుకునే కాళీమాతాను అవమానిస్తూ ఓ మార్ఫింగ్‌ ఫోటోను రక్షణ మంత్రిత్వ శాఖ తన అధికారిక ట్విట్టర్‌ ఖాతాలో పోస్టు చేసింది. హలీవుడ్‌ నటి మర్లిన్‌ మన్రోతో పోలుస్తూ రెండు ఫోటోలు పెట్టింది. మొదటి ఫోటోలో బాంబు దాడి అనంతరం సంభివించే అగ్ని, దట్టమైన పొగ దృశ్యాలు ఉన్నాయి. రెండో ఫోటోలో దట్టమైన పొగ అంతా స్కర్ట్‌గా , అగ్ని అంతా జట్టుగా మారిపోయినట్టుగా ఉన్న కాళీమాత ఇమేజ్‌ ఉంది. మెడలో పుర్రెలతో , నాలుక చాపి ఉన్న కాళీకి గౌను తొడిగారు. అది ఎగురుతున్నట్టు ఫోటో పెట్టారు. దాంతో పాటు వర్క్‌ ఆఫ్‌ ఆర్ట్‌ అంటూ ఓ క్యాప్షన్‌ కూడా పెట్టారు. దీనిపై భారతీయులు తీవ్ర ఆగ్రహం వ్యక్తం చేశారు. కాళికాదేవిని మన్రోతో పోలుస్తారా అని మండిపడ్డారు. విపరీతంగా విమర్శలు రావడంతో ఫోటోను పోస్ట్‌ చేసిన కాసేపటికే డిలీట్ చేసింది.