మన ఆరోగ్యానికి వ్యాయామం మేలు చేస్తుందనడంలో సందేహం లేదు. అయితే ఈ మధ్యకాలంలో జిమ్ లో అతిగా వ్యాయామం చేస్తూ గుండెపోటు బారిన పడి కొందరు మృతి చెందిన సంఘటనలు తరచూ చూస్తున్నాం. అందుకే వ్యాయామం చేస్తున్నప్పుడు కొన్ని లక్షణాలు కనిపిస్తే వెంటనే జాగ్రత్తపడటం మంచిది.

వ్యాయామం చేస్తున్నప్పుడు తల తిరుగుతున్నట్టు అనిపించడం, మూర్చ, మైకం, గుండె కొట్టుకునే వేగం పెరగడం లాంటి లక్షణాలు కనిపిస్తే తేలికగా తీసుకోకుండా డాక్టరును సంప్రదించండి.

జిమ్ లో వర్కౌట్స్ చేసేటప్పుడు గుండె దగ్గర అసౌకర్యంగా, ఒత్తిడిగా అనిపించినా, ఊపిరి తీసుకోవడం కష్టంగా ఉన్నా, కాస్త నొప్పిగా అనిపించినా వెంటనే వర్కౌట్స్ ఆపేసి ఆసుపత్రికి వెళ్లండి.

వ్యాయామం చేసినప్పుడు సాధారణంగా చెమటలు పడతాయి. కానీ అసాధారణంగా చెమటపడితే మాత్రం గుండెపోటు వచ్చే అవకాశం ఉందని అర్థం.

ఎడమ చేతుల్లో నొప్పి, మెడ నుంచి దవడ వైపుగా నొప్పి రావడం, పొత్తికడుపులో అసౌకర్యంగా అనిపించడం, తీవ్ర ఒత్తిడి రావడం ఇవన్నీ కూడా గుండె అనారోగ్యాన్ని సూచిస్తాయి. వర్కౌట్స్ చేసేటప్పుడు ఈ లక్షణాలు కనిపిస్తే వెంటనే హాస్పిటల్కి వెళ్లి టెస్టులు చేయించుకోవడం మంచిది.