Rajasthan Royals vs Gujarat Titans : రాయల్స్‌పై ప్రతీకారం తీర్చుకున్న టైటాన్స్
ఐపీఎల్ ప్రస్తుత సీజన్‌లో గుజరాత్ టైటాన్స్ ఏడో విజయాన్ని న‌మోదు చేసింది. శుక్రవారం రాజస్థాన్ రాయల్స్‌ను తొమ్మిది వికెట్ల తేడాతో ఓడించాడు. ఈ విజయంతో గుజరాత్ గతంలో రాజస్థాన్ చేతిలో ఎదురైన ఓటమికి ప్రతీకారం తీర్చుకుంది. గుజరాత్ బౌలర్లు ఈ మ్యాచ్‌లో అద్భుతంగా రాణించారు. అనంత‌రం గుజరాత్ బ్యాట్స్‌మెన్ కూడా చురుగ్గా మ్యాచ్‌ని ముగించారు. దీంతో గుజరాత్ మరో 37 బంతులు మిగిలి ఉండగానే విజయం సాధించింది.
Gujarat Titans thrash Rajasthan Royals by nine wickets
ఐపీఎల్(IPL) ప్రస్తుత సీజన్‌లో గుజరాత్ టైటాన్స్(Gujarat Titans) ఏడో విజయాన్ని న‌మోదు చేసింది. శుక్రవారం రాజస్థాన్ రాయల్స్‌(Rajasthan Royals)ను తొమ్మిది వికెట్ల తేడాతో ఓడించాడు. ఈ విజయంతో గుజరాత్(Gujarat) గతంలో రాజస్థాన్(Rajasthan) చేతిలో ఎదురైన ఓటమికి ప్రతీకారం తీర్చుకుంది. గుజరాత్ బౌలర్లు ఈ మ్యాచ్‌లో అద్భుతంగా రాణించారు. అనంత‌రం గుజరాత్ బ్యాట్స్‌మెన్ కూడా చురుగ్గా మ్యాచ్‌ని ముగించారు. దీంతో గుజరాత్ మరో 37 బంతులు మిగిలి ఉండగానే విజయం సాధించింది. టాస్ గెలిచిన రాజస్థాన్ కెప్టెన్ సంజూ శాంసన్(Sanju Samson) ముందుగా బ్యాటింగ్ ఎంచుకున్నాడు. రాజస్థాన్ జట్టు 17.5 ఓవర్లలో 118 పరుగులకే కుప్పకూలింది. బ‌దులుగా గుజరాత్ 13.5 ఓవర్లలో ఒక వికెట్ నష్టానికి 119 పరుగులు చేసి విజయం సాధించింది.
ఈ సీజన్‌లో ఏడో విజయంతో గుజరాత్ 10 మ్యాచ్‌ల్లో 14 పాయింట్లు సాధించింది గుజరాత్. గుజరాత్ జట్టు కేవలం మూడు మ్యాచ్‌ల్లో మాత్ర‌మే ఓడిపోయింది. ఈ ఓటమి తర్వాత రాజస్థాన్ నాలుగో స్థానంలో ఉంది. 10 మ్యాచ్‌ల్లో 10 పాయింట్లు సాధించింది. రాజస్థాన్ ఐదు విజయాలు, ఐదు ఓటములుతో ప్లేఆప్ రేసులో ఉంది. లక్ష్య ఛేదనలో గుజరాత్‌కు శుభారంభం లభించింది. వృద్ధిమాన్ సాహా(Wriddiman Saha), శుభ్‌మాన్ గిల్(Shubhman Gill) తొలి వికెట్‌కు 9.4 ఓవర్లలో 71 పరుగుల భాగస్వామ్యాన్ని నెలకొల్పారు. 35 బంతుల్లో 36 పరుగులు చేసి శుభ్‌మన్ గిల్ ఔటయ్యాడు. గిల్ అవుట్ అయిన తర్వాత, వృద్ధిమాన్ కెప్టెన్ హార్దిక్ పాండ్యా(Hardik Pandya)తో కలిసి మ్యాచ్‌ను ముగించాడు. సాహా 34 బంతుల్లో ఐదు ఫోర్ల సాయంతో అజేయంగా 41 పరుగులు చేశాడు. హార్దిక్ 15 బంతుల్లో 39 పరుగులు చేసి నాటౌట్‌గా నిలిచాడు. మూడు ఫోర్లు, మూడు సిక్సర్లు కొట్టాడు.
రాజస్థాన్ తరఫున సంజూ శాంసన్ అత్యధికంగా 30 పరుగులు చేశాడు. ట్రెంట్ బోల్ట్(Trent Boult) 15, యశస్వి జైస్వాల్ 14, దేవదత్ పడిక్కల్ 12 పరుగులు చేశారు. ఈ నలుగురు బ్యాట్స్‌మెన్‌లు మినహా ఎవరూ డబుల్ ఫిగర్‌ను టచ్ చేయలేకపోయారు. గుజరాత్ బౌలర్లలో రషీద్ ఖాన్(Rashidh Khan) మూడు, నూర్ అహ్మద్(Noor Ahmad) రెండు వికెట్లు తీశారు. మహ్మద్ షమీ, హార్దిక్ పాండ్యా, జోష్ లిటిల్ తలా ఒక వికెట్ తీశారు. జైపూర్‌లో రాజస్థాన్‌కు ఇదే అత్యల్ప స్కోరు కావ‌డం విశేషం.
