Hyderabad : అన్నం పెట్టి.. ఆశ్రయమిచ్చాడు.. కానీ కోరిక తీర్చాలన్నాడు..!
మహారాష్ట్రకు చెందిన 22 ఏళ్ల యువతి, తనకు ఇష్టంలేని వివాహం చేయడానికి ప్రయత్నించడంతో ఇంటి నుంచి పారిపోయి హైదరాబాద్‌కు చేరుకుంది.
మహారాష్ట్రకు చెందిన 22 ఏళ్ల యువతి, తనకు ఇష్టంలేని వివాహం చేయడానికి ప్రయత్నించడంతో ఇంటి నుంచి పారిపోయి హైదరాబాద్‌(Hyderabad)కు చేరుకుంది. మల్లికార్జున రెడ్డి (Mallikarjun Reddy)అనే వ్యక్తి, ఆమె ఒంటరిగా నిలబడి ఉండగా, బైక్‌పై వచ్చి ఆమెను మాటల్లో పెట్టాడు. ఆమెకు ఆశ్రయం, ఆహారం ఇస్తానని చెప్పి, కమలాపురి కాలనీలోని తన గదికి తీసుకెళ్లాడు. ఆమెకు ఆహారం అందించిన తర్వాత, మల్లికార్జున రెడ్డి ఆమెపై లైంగిక దాడికి యత్నించాడు. ఆమె కేకలు వేయడంతో స్థానికులు గమనించి పోలీసులకు సమాచారం అందించారు. హైదరాబాద్‌లోని జూబ్లీహిల్స్‌లోని పెద్దమ్మ గుడి సమీపంలో ఈ ఘటన జరిగింది. బంజారాహిల్స్ (Banjara hills)పోలీసులు వెంటనే స్పందించి, మల్లికార్జున రెడ్డిని అరెస్టు చేశారు. ఆమె ఫిర్యాదు మేరకు అతనిపై సెక్షన్ 354 (మహిళలపై లైంగిక వేధింపులు), ఇతర సంబంధిత సెక్షన్ల కింద కేసు నమోదు చేశారు. బాధితురాలిని వైద్య పరీక్షల కోసం ఆసుపత్రికి తరలించారు, ఆమెకు అవసరమైన సహాయం, కౌన్సెలింగ్ అందించారు. ఈ ఘటన స్థానికంగా ఆందోళన కలిగించింది, మహిళల భద్రతపై మరింత అవగాహన కల్పించాలని సామాజిక మాధ్యమాలలో చర్చలు జరుగుతున్నాయి.
