Joël Le Scouarnec : 73 ఏళ్ల ముసలోడే.. కానీ మహానుభావుడు.. 118 రేప్‌లు, 189 లైంగిక వేధింపులు..

ఫ్రాన్స్‌లోని ఒక కోర్టు 73 ఏళ్ల మాజీ సర్జన్ జోయెల్ లె స్కౌర్నెక్‌(Joël Le Scouarnec)ను 20 ఏళ్ల గరిష్ట జైలు శిక్షకు శిక్షించింది. ఈయన రెండు దశాబ్దాలకు పైగా సుమారు 300 మంది రోగులపై, ముఖ్యంగా చిన్నారులపై, అత్యాచారం, లైంగిక వేధింపులకు పాల్పడినట్లు నిర్ధారణ అయింది. ఈ ఘటనలు 1989 నుండి 2014 వరకు బ్రిటానీ( Brittany), పశ్చిమ ఫ్రాన్స్‌లోని ఆసుపత్రులలో జరిగాయి, చాలా మంది బాధితులు అనస్థీషియా లేదా రికవరీలో ఉన్న సమయంలో ఈ దాడులకు గురయ్యారు. లె స్కౌర్నెక్ కోర్టులో తన నీచమైన చర్యలను అంగీకరించాడు, 299 మంది బాధితులపై 111 అత్యాచారాలు, 189 లైంగిక వేధింపులకు సంబంధించిన ఆరోపణలను ఒప్పుకున్నాడు. మూడు నెలల విచారణ తర్వాత కోర్టు ఈ తీర్పును వెలువరించింది. జడ్జి ఆడ్ బురేసి ఈ శిక్షను విధించారు.

లె స్కౌర్నెక్ 2020లో నలుగురు చిన్నారులపై ఇద్దరు మేనకోడళ్లతో సహా అత్యాచారం, లైంగిక వేధింపులకు పాల్పడినందుకు ఇప్పటికే 15 ఏళ్ల జైలు శిక్షను అనుభవిస్తున్నాడు. ఫ్రాన్స్ చట్టం ప్రకారం, శిక్షలు ఏకకాలంలో అమలు చేయబడతాయి. 2017లో అతని అరెస్టు తర్వాత, పోలీసులు అతని ఇంట్లో 300,000 కంటే ఎక్కువ ఫోటోలు, 650 వీడియోలు, అతని నేరాలను వివరించే డైరీలను స్వాధీనం చేసుకున్నారు.2005లో చైల్డ్ పోర్నోగ్రఫీ ఆరోపణలపై అతనికి నాలుగు నెలల సస్పెండెడ్ శిక్ష విధించబడినప్పటికీ, అతని మెడికల్ లైసెన్స్ రద్దు చేయబడలేదు, ఫలితంగా అతను 2017 వరకు ఆసుపత్రులలో తన నేరాలను కొనసాగించాడు. బాధితులు, న్యాయవాదులు శిక్ష సరిపోలేదని, అతను ఇప్పటికీ ప్రమాదకరమైనవాడని ఆందోళన వ్యక్తం చేశారు.