Donald Trump : తెలంగాణ రోడ్డుకు ట్రంప్‌ పేరు.. సీఎం రేవంత్‌ సంచల నిర్ణయం..!

తెలంగాణ ప్రభుత్వం నగరంలోని అనేక రోడ్లకు అమెరికా అధ్యక్షుడు డొనాల్డ్ ట్రంప్, రతన్ టాటా, గూగుల్, మైక్రోసాఫ్ట్, విప్రో వంటి సంస్థల పేర్లు పెట్టాలని నిర్ణయించింది. హైదరాబాద్‌లోని అమెరికా కాన్సులేట్ జనరల్ వెంబడి ఉన్న రహదారిని ‘డోనాల్డ్ ట్రంప్ అవెన్యూ’గా పిలవాలని సీఎంఓ నిర్ణయించింది. తెలంగాణ ప్రభుత్వం, హైదరాబాద్‌లోని యుఎస్ కాన్సులేట్ జనరల్ ఆధారంగా ఉన్న రోడ్డును అమెరికా అధ్యక్షుడు డొనాల్డ్ ట్రంప్ పేరు మీద "డొనాల్డ్ ట్రంప్ అవెన్యూ" అని మార్చాలని నిర్ణయించింది. ఇది గచ్చిబౌలి ప్రాంతంలో ఉంది. ఈ పేరు మార్పును భారత విదేశాంగ మంత్రిత్వ శాఖ, యుఎస్ ఎంబసీకి తెలియజేయనున్నారు.ఈ నిర్ణయం "తెలంగాణ రైజింగ్ గ్లోబల్ సమ్మిట్" ముందు ప్రకటించారు. ఇది తెలంగాణను ప్రపంచ దృష్టిని ఆకర్షించాలనే లక్ష్యంతో తీసుకున్న చర్య అని చెప్తున్నారు. ముఖ్యమంత్రి ఎ. రేవంత్ రెడ్డి ఈ ఆలోచనను ముందుగా అమెరికా-భారత్‌ స్ట్రాటజిక్ పార్ట్‌నర్‌షిప్‌ ఫోరంలో ప్రతిపాదించారు. రతన్ తాటా పేరుతో గ్రీన్‌ఫీల్డ్ రేడియల్ రోడ్. గూగుల్ పేరుతో "గూగుల్ స్ట్రీట్",మైక్రోసాఫ్ట్ పేరుతో "మైక్రోసాఫ్ట్ రోడ్", విప్రో పేరుతో "విప్రో జంక్షన్"గా మార్చనున్నారు. ఈ చర్యలు హైదరాబాద్‌ను ప్రపంచ స్థాయి టెక్ హబ్‌గా బ్రాండింగ్ చేయడానికి సహాయపడతాయని ప్రభుత్వం చెబుతోంది.