Chhattisgarh High Court: వెజైనాపై భాగంలో వీర్యం ఉంటే రేప్‌ కాదు.. రేప్‌ అటెంప్ట్‌ మాత్రమే..! ఛత్తీస్‌గఢ్‌ హైకోర్టు సంచలన తీర్పు..!

వెజైనా (Vagina)లోపలికి అంగప్రవేశం చేసి స్కలనం (Ejaculation) చేస్తేనే అత్యాచారం అవుతుందని, వెజైనా పైభాగంలో స్కలనం చేస్తే అత్యాచార ప్రయత్నమే అవుతందని ఛత్తీస్‌గఢ్‌ హైకోర్టు సంచలన తీర్పు వెలువరించింది. బాధితురాలి కన్నెపొర చిరిగినట్లు లేదని వైద్యుల నివేదిక ఇవ్వడంతో ఛత్తీస్‌గఢ్ హైకోర్టు (Chhattishgarh High Court on Rape Case) నిందితుడి శిక్షను ఏడు సంవత్సరాల నుండి మూడున్నర సంవత్సరాలకు తగ్గించింది.

పూర్తిగా అంగం (Pennis) లోపలికి వెళ్లకుండా, కేవలం వెజైనాపై భాగంలో స్కలనం చేయడం అత్యాచార ప్రయత్నంగా పరిగణించబడుతుంది, అసలు అత్యాచారం కాదు అని ఛత్తీస్‌గఢ్ హైకోర్టు తీర్పుఇచ్చింది. తత్ఫలితంగా, బాధితురాలి కన్నెపొర చెక్కుచెదరకుండా ఉందని వైద్యులు చెప్పడంతో నిందితుడి శిక్షను ఏడు సంవత్సరాల నుండి మూడున్నర సంవత్సరాలకు తగ్గించింది.

న్యాయమూర్తి నరేంద్ర కుమార్ వ్యాస్‌తో కూడిన సింగిల్ బెంచ్ ఈ తీర్పును వెలువరించింది. 2004లో ఉన్న విధంగా IPC సెక్షన్ 375 ప్రకారం అత్యాచారాం జరిగినట్లు నిరూపించడంలో ప్రాసిక్యూషన్‌ విఫలం కావడంతో శిక్షను సెక్షన్ 376(1) కింద, సెక్షన్ 376/511 (అత్యాచార ప్రయత్నం)కు మార్చారు.

నిందితుడు బాధితురాలిని బలవంతంగా ఆమె ఇంటి నుండి తన ఇంటికి లాక్కెళ్లి, వివస్త్ర చేసి, బలవంతంగా లైంగిక సంపర్కానికి ప్రయత్నించాడు. బాధితురాలిని ఒక గదిలో బంధించి, ఆమె చేతులు మరియు కాళ్ళు కట్టి, ఆమె నోటిలో గుడ్డను పెట్టారని ఆరోపించారు. కొన్ని గంటల తర్వాత, బాధితురాలి తల్లి ఆమెను రక్షించిందని తెలిపారు. ట్రయల్ కోర్టు IPC సెక్షన్లు 376(1), 342 కింద నిందితుడిని దోషిగా నిర్ధారించి, అత్యాచారం చేసినందుకు ఏడు సంవత్సరాల కఠిన కారాగార శిక్షను, బాధితురాలిని నిర్బంధించినందుకు గాను 6 నెలలపాటు శిక్షను విధించింది.

దీంతో నిందితుడు హైకోర్టుకు వెళ్లాడు. బాధితురాలి సాక్ష్యం, వైద్యుల నివేదికను హైకోర్టు నిశితంగా పరిశీలించింది. తొలుత తన వెజైనాలోకి అంగాన్ని ప్రవేశపెట్టాడని చెప్పిన బాధితురాలు, ఆ తర్వాత విచారణలో నిందితుడు పెన్నిస్‌ను, తన ప్రైవేట్ భాగాలపై ఉంచాడని ఆమె కోర్టుకు తెలిపింది. వైద్యుల నివేదికలో కూడా కన్నెపొర చెక్కుచెదరకుండా ఉందని నిర్ధారించింది. బాధితురాలి వెజైనా మరియు దుస్తులపై వీర్యకణాలు ఉన్నాయని గుర్తించారు.