Prime Minister Modi: ఇన్‌స్టాలో చరిత్ర సృష్టించిన ప్రధాని మోడీ.. 100 మిలియన్ల ఫాలోవర్లు దాటిన ఏకైక నాయకుడిగా రికార్డ్..!

ఇన్‌స్టాలో చరిత్ర సృష్టించిన ప్రధాని మోడీ.. 100 మిలియన్ల ఫాలోవర్లు దాటిన ఏకైక నాయకుడిగా రికార్డ్‌ సృష్టించాడు ప్రధాని మోడీ. ప్రపంచంలోనే 100 మిలియన్లు దాటిన ఏకైక రాజకీయనాయకుడిగా మోడీ నిలిచారు. 2014లో ప్రధాని మోడీ ఇన్‌స్టాలో చేరారు. సోషల్ మీడియాలో అత్యంత శక్తివంతమైన ఇన్‌స్టాగ్రాంలో 100 మిలియన్ల ఫాలోవర్లను దాటినవారు చాలా అరుదుగా ఉంటారు. ట్రంప్ 43.2 మిలియన్ల మంది ఫాలోవర్లతో రెండో స్థానంలో ఉన్నారు, ఇండోనేషియా అధ్యక్షుడు ప్రబోవో సుబియాంటో 15 మిలియన్ల మంది ఫాలోవర్లతో మూడో స్థానంలో ఉన్నారు. బ్రెజిల్ అధ్యక్షుడు 14.4 మిలియన్ల మంది ఫాలోవర్లతో నాల్గవ స్థానంలో ఉన్నారు. టర్కిష్ అధ్యక్షుడు తయ్యిప్ ఎర్డోగన్ 11.6 మిలియన్ల మందితో తరువాతి స్థానంలో ఉన్నారు. అర్జెంటీనా అధ్యక్షుడు జేవియర్ మిలేకి 6.4 మిలియన్ల మంది ఫాలోవర్లు ఉన్నారు.

అయితే భారతదేశ రాజకీయనేతల్లో ఇన్‌స్టాగ్రామ్‌లో ప్రధానమంత్రి ఇతర రాజకీయ నాయకుల కంటే చాలా ముందున్నారు. ఉత్తరప్రదేశ్ ముఖ్యమంత్రి యోగి ఆదిత్యనాథ్ దాదాపు 16.1 మిలియన్ల మంది ఫాలోవర్లతో రెండో స్థానంలో ఉన్నారు, రాహుల్ గాంధీ సుమారు 12.6 మిలియన్ల మంది ఫాలోవర్లతో మూడో స్థానంలో ఉన్నారు.