Samantha-Raj Nidimoru : సామ్‌-రాజ్‌ నిడిమోర్‌ మధ్య ఏజ్ గ్యాప్‌పైనే రచ్చ రచ్చ..!

అందరూ అనుకున్నదే జరిగింది. పుకార్లు నిజమయ్యాయి. టాలీవుడ్ లో ఎన్నో సూపర్ హిట్ సినిమాలు చేసిన స్టార్ హీరోయిన సమంత రూత్ ప్రభు రెండో పెళ్లి చేసుకుంది. కొంతకాలంగా డేటింగ్ చేస్తున్న డైరెక్టర్ రాజ్ నిడిమోరును ఆమె పెళ్లాడింది. ఈరోజు ఉదయం ఈ పెళ్లి జరిగిందని విశ్వసనీయ వర్గం హిందూస్థాన్ టైమ్స్ కు తెలిపింది. వార్తలు తీవ్రస్థాయిలో వ్యాపిస్తున్న నేపథ్యంలో, రాజ్ నిడిమోరు మాజీ భార్య శ్యామాలి పెట్టిన ఓ ఇన్‌స్టాగ్రామ్ పోస్ట్ ఇప్పుడు తీవ్ర చర్చనీయాంశంగా మారింది. శ్యామాలి తన ఇన్‌స్టాగ్రామ్ ఖాతాలో ‘తెగించిన వ్యక్తులు దానికి తగినట్లుగానే వ్యవహరిస్తారు అనే అర్థం వచ్చేలా ఒక పోస్టును. సమంత-రాజ్ పెళ్లి వార్తలు వస్తున్న సమయంలోనే ఆమె ఈ పోస్ట్ పెట్టడంతో, ఇది వారిని ఉద్దేశించి పెట్టిందేనని నెటిజన్లు భావిస్తున్నారు. ఈ పోస్ట్‌తో సోషల్ మీడియాలో కొత్త చర్చ మొదలైంది. ఆమెతో 2022లో రాజ్‌ నిడిమోరు విడాకులు తీసుకున్నారు. గతంలో హీరో అక్కినేని నాగ చైతన్యను ప్రేమించి, పెళ్లాడింది సమంత. కానీ కొన్ని సంవత్సరాల తర్వాత వీళ్లు విడిపోయారు. అప్పటి నుంచి ఒంటరిగా ఉన్న సమంత.. డైరెక్టర్ రాజ్ నిడిమోరుతో మళ్లీ ప్రేమలో పడింది. అతనితో కొంతకాలంగా డేటింగ్ లో ఉంది. వీళ్లు డిసెంబర్ 1న పెళ్లి చేసుకోబోతున్నారనే ప్రచారం జోరుగా సాగింది. చివరకు అదే నిజమైంది. సమంత, రాజ్ ఇవాళ వివాహ బంధంతో ఒకటయ్యారు.

విడాకుల తర్వాత ఒంటరిగా ఉన్న సమయంలో మయోసైటిస్ అనే రుగ్మతతో నటి సమంత బాధపడుతున్నట్లు వార్తలు వచ్చాయి. ఆ తర్వాత కొన్ని రోజులు సినిమాలకు విరామం తీసుకుంటానని సమంత ప్రకటన చేసి.. ఒకటి రెండు సినిమాలకు నిర్మాతగా వ్యవహరిస్తూ వచ్చింది. ఆ తర్వాత 'ఫ్యామిలీ మ్యాన్' డైరెక్టర్ రాజ్ నిడమోరుతో రిలేషన్‌షిప్‌లో ఉన్నట్లు వార్తలు వచ్చాయి.

హీరోయిన్ సమంత, రాజ్ నిడిమోరు పెళ్లి గురించి ప్రస్తుతం సోషల్ మీడియాలో విపరీతమైన చర్చ నడుస్తోంది. వీరిద్దరికి ఇది రెండో పెళ్లి కావడం వల్ల ఇరువురి గురించి అనేక ప్రశ్నలు లేవనెత్తుతున్నారు. ఈ సమయంలో వీరిద్దరి వయసు గురించి.. వయసు వత్యాసం గురించి తెగ చర్చిస్తున్నారు. హీరోయిన్ సమంత 1987 ఏప్రిల్ 28న జన్మించారు. దీంతో ప్రస్తుతం ఆమె వయసు 38 ఏళ్లు. అదే విధంగా డైరెక్టర్ రాజ్ నిడమోరు 1975 ఆగస్టు 4న ఆంధ్రప్రదేశ్‌లో జన్మించారు. 2025 నాటికి ఇతనికి 51 ఏళ్లు. దీంతో వీరిద్దరి మధ్య వయసు వ్యత్యాసం 12 ఏళ్లు అని సోషల్ మీడియాలో చర్చ నడుస్తోంది. 'ది ఫ్యామిలీ మ్యాన్ 2' చిత్రీకరణ సమయంలో డైరెక్టర్ రాజ్ నిడమోరుతో హీరోయిన్‌ సమంతకు పరిచయం ఏర్పడింది. ఈ పరిచయం అక్కినేని నాగచైతన్యతో విడాకుల తర్వాత అదే డైరెక్టర్‌లో రాజ్ నిడమోరుతో సమంత పరిచయం ప్రేమగా మారింది. ఆ తర్వాత వీరిద్దరూ కలిసి ఎన్నో వెబ్‌సిరీస్‌లలో కలిసి పనిచేశారు. దీంతో పరిచయం, ప్రేమాయణం, ఆ తర్వాత పరిణయం వరకు వీరిద్దరి జర్నీ కొనసాగిందనే చెప్పాలి.