Son's Breakup: ప్రియురాలితో విడిపోయి ఆహారం మానేసిన కొడుకు..! కొడుకు ప్రియురాలికి దండం పెట్టి బతిమాలిన తండ్రి..!

తండ్రి ప్రేమకు అవధులు లేవని అందరికీ గుర్తు చేస్తూ, హృదయాన్ని కరిగించే వీడియో సోషల్ మీడియాలో వైరలవుతోంది. ఓ కొడుకు తన ప్రియురాలితో బ్రేకప్‌ చెప్పిన ఆ యువకుడు తినడం మానేశాడు. ఒంటరిగా ఉంటూ బాధపడ్డాడు, నిశ్శబ్దంగా బాధను భరించాడు. తన కొడుకు ఆహారం తినకుండా ఆన్నం మానేయడం, రోజురోజుకూ అతని ఆరోగ్యం క్షీణిస్తుండటం చూసి, తండ్రి ఊరుకోలేకపోయాడు. తన కొడుకు బాధను అర్థం చేసుకున్నాడు. దీంతో తన కొడుకు మాజీ ప్రియురాలిని కలిసేందుకు వెళ్లాడు. తన కొడుకు ఐదు రోజులుగా తినడం మానేశాడని, నీవే ఎలాగైనా చెప్పి ఆహారం తినేలా చెప్పాలని బతిమాలుకున్నాడు, చేతులెత్తి ఆ యువతికి దండం పెట్టాడు. దీంతో ఆ యువతి అందుకు అంగీకరించింది. ఇద్దరి మధ్య అపార్థాలు తొలగించుకొని తమ బంధాన్ని కొనసాగించాలని యువతీ, యువకుడు నిర్ణయించుకున్నారు. దీంతో తన కొడుకు మీద ఎంత ప్రేమ ఉంటే, అతని కోసం తండ్రి ఇలా వచ్చి బతిమలాడుకుంటాడని కొందరు కామెంట్స్ చేస్తున్నారు. తండ్రి ప్రేమకు అవధులు ఉండవని మరోసారి నిరూపితమైందని అంటున్నారు. ఆ తర్వాత ఆ యువతి, తండ్రితో మాట్లాడుతూ, రోజుకు 50 సార్లు కంటిన్యూగా కాల్ చేస్తున్నాడని, ఇంట్లో అందరూ ఉండగా కాల్‌ చేస్తే ఎలా మాట్లాడాలని ప్రశ్నించింది. తన పక్కనే తన అన్నయ్య ఉంటాడని, ఇప్పటికే తన అన్నయ్యకు రెండు-మూడు సార్లు దొరికిపోయామని తెలిపింది. రాత్రి పూట కాల్స్‌ చేస్తాడని, ఐదు నిమిషాలు కాదు 50 నిమిషాలు మాట్లాడాలంటాడని యువకుడి తండ్రికి ఫిర్యాదు చేసింది. ఈ వీడియో సోషల్‌ మీడియాలో వైరల్‌గా మారింది.

https://www.instagram.com/reel/DVNKCN_j-5F/