Vijay-Rashmika's wedding: దశాబ్దాల క్రితం జరిగిన వివాహాల తరహాలో విజయ్-రష్మిక పెళ్లి..!

విజయ్ దేవరకొండ, రష్మిక మందన్న ఈరోజు ఉదయపూర్‌లో వివాహం చేసుకున్నారు. ఈ జంట తమ తెలుగు మరియు కొడవ సాంప్రదాయ పద్ధతుల్లో వివాహం చేసుకుంటారని సమాచారంమరింత తెలుసుకుందాం. "దశాబ్దాల క్రితం వివాహాలు ఎలా జరుపుకున్నారో, సరళమైన సంప్రదాయాలు, ఆనాటి ఆచారాలు పాటిస్తూ వివాహం జరుపుకున్నారని తెలుస్తోంది. తెలంగాణలో దశాబ్దాల క్రితం వివాహాలు ఎలా జరిగియో ఆ తరహాలోనే పెళ్లి జరిగింది. ఇక రష్మిక కొడవ సాంప్రదాయ అమ్మాయి కాబట్టి వారి సాంప్రదాయంలో సాయంత్రం మరో వివాహ వేడుక జరగనుందని సమాచారం. రష్మిక కుటుంబం విజయ్ కుటుంబానికి కొబ్బరికాయలు, తమలపాకులు, పండ్లు, స్వీట్లు పసుపు-కుంకుమను సమర్పించారు.

ఫిబ్రవరి 24, 2026న ఉదయపూర్‌లో వివాహ వేడుకలు ప్రారంభమయ్యాయి. సంగీత్, మెహందీ, హల్దీ వేడుకలకు అతిథులు వచ్చారు. వారి విందు కోసం జపనీస్ వంటకాలు వడ్డించారు. ఇరువర్గాలు క్రికెట్,వాలీబాల్ మ్యాచ్‌లు కూడా ఆడినట్లు తెలుస్తోంది. విజయ్ మరియు రష్మిక వారి హల్దీ వేడుకకు సంబంధించిన గ్లింప్స్‌ను వారి ఇన్‌స్టాగ్రామ్‌లలో పోస్ట్ చేశారు. ఉదయపూర్‌లోని ఐటీసీ హోటల్స్ మెమెంటోస్‌లో ఈ వేడుకలు జరుగుతున్నాయి. వివాహం తర్వాత, విజయ్ దేవరకొండ -రష్మిక మందన్న మార్చి 4, 2026న హైదరాబాద్‌లో రిసెప్షన్‌ను నిర్వహించనున్నారు. ఈ కార్యక్రమం తాజ్ కృష్ణలో జరుగుతుంది.