Who is JathiPItha of Telangana: 'తెలంగాణ జాతిపిత' KCR కాదు..! చంద్రబాబు 'తెలంగాణ జాతిపిత'నా..! రేవంత్..! కురుచ బుద్ది మానుకోండి..!

తెలంగాణ మాజీ ముఖ్యమంత్రి కేసిఆర్ జాతిపిత ఎలా అవుతారు అంటూ, ప్రస్తుత సీఎం రేవంత్ రెడ్డి నిన్న మిర్యాలగూడలో కామెంట్ చేశారు. ఆ కామెంట్‌కి సంబంధించి రాజకీయంగా చాలా పెద్ద విమర్శలు ప్రతి విమర్శలు చూస్తూ ఉన్నాం. ముఖ్యమంత్రి రేవంత్ రెడ్డి ఇటీవల మాట్లాడుతున్న భాష, ముఖ్యమంత్రి స్థాయిని తగ్గిస్తుంది. రేవంత్ రెడ్డి స్థాయి, రేవంత రెడ్డి గురించి మాట్లాడదలుచుకోలేదు కానీ, ముఖ్యమంత్రి స్థాయిని తగ్గిస్తుంది. ఇది కాంగ్రెస్ పార్టీకి మంచిది కాదు, ప్రధానంగా కాంగ్రెస్ పార్టీ నుంచి ఎన్నికై, ముఖ్యమంత్రిగా ఉన్న రేవంత్ రెడ్డి మాట్లాడుతున్న మాటలు, కాంగ్రెస్ పార్టీ పరువును తీస్తున్నాయి. ఎందుకు జాతిపిత అవుతావు, ఎలా జాతిపిత అవుతావు అంటూ, కేసిఆర్‌ని ఉద్దేశించి ఆయన మాట్లాడారు, తెలంగాణ జాతిపిత ఎవరు ఏంటి, అనే చర్చ పక్కన పెడితే, తెలంగాణ కోసం కేసిఆర్ చేసిన కాంట్రిబ్యూషన్ ఏంటి, తెలంగాణ కోసం రేవంత్ రెడ్డి చేసిన కాంట్రిబ్యూషన్ ఏంటి అనేది, తెలంగాణ సమాజం ముందు ఉంది. ఈ వీడియోలో నేను కేసీఆర్ ని వెనకేసుకొని రావడానికో, లేకపోతే రేవంత్‌ రెడ్డిని విమర్శ చేయడం, నా ఉద్దేశం కాదు కానీ, రేవంత్ మాట్లాడుతున్న మాటలు, తెలంగాణకు వ్యతిరేకంగా, ఓ ముఖ్యమంత్రి స్థాయికి తగని విధంగా ఉన్నాయి, బయట రాష్ట్రాల వాళ్ళు ఎవరైనా చూస్తే, తెలంగాణ ముఖ్యమంత్రి మాట్లాడుతున్న మాటలు చూసి సిగ్గుపడేలా ఉన్నాయి. రాష్ట్రం పరువు తీసేలా ఉన్నాయి. కేసీఆర్ ఏం చేశారు, జాతిపిత అవునా, కాదా పక్కన పెడితే, తెలంగాణ రాష్ట్ర ఏర్పాటులో, కేసీఆర్ పాత్రని ఏ ఒక్కరు మర్చిపోలేరు. ఏ ఒక్కరూ తక్కువ చేయలేరు, ఆ మాటక వస్తే మీరు మహా టీవీలో, ఐ.వెంకట్రావు గారి షోలో కూర్చొని, కేసిఆర్ అనేవాడు లేకపోతే మేము తెలంగాణ తెచ్చేవాళ్ళం కాదు, తెలంగాణ వచ్చేది కాదు, అది ఎవరిమైనా ఒప్పుకొని తీరాల్సిందే అని మీరే మాట్లాడిన మాటలు కూడా అందరం చూసాం. ఆ రోజు అలా మాట్లాడి ఈరోజు నోటికి వచ్చినట్లు, వయసును గౌరవించకుండా మాట్లాడుతున్న మాటలు, ఆత్మహత్య చేసుకో తరహా వ్యాఖ్యలు, పేగులు చీల్చి లోపల వేసుకుంటాం, మెడలో వేసుకుంటాం లాంటి మాటలు, ఆ మొక్కను మళ్ళీ మొలవనివ్వలాంటి మాటలు మిమ్మల్ని మరింత కురుచుగా చేస్తున్నాయి. ఇది మంచిది కాదు, మీకు, కాంగ్రెస్ పార్టీకి, మళ్ళీ చెప్తున్నాను, కేసిఆర్ ఏం చేశారు తెలంగాణ కోసం, చాలామంది పోరాటం చేసి వదిలేసిన తర్వాత, ఇంకా మళ్ళీ పోరాటం చేసేవాడు కూడా, మధ్యలో వదిలేసేవాడే తప్ప, తెలంగాణ తెచ్చేవాడు కాదు అని తెలంగాణ సమాజం అంతా అనుకుంటున్న సమయంలో, తెలంగాణ జెండా పట్టుకొని, తెలంగాణ రాష్ట్రం ఏర్పడే వరకు పోరాడిన వ్యక్తి కేసీఆర్. కెసిఆర్ మాత్రమే, తెలంగాణ కోసం దేశవ్యాప్తంగా తిరిగి 32 పార్టీలకు సంబంధించిన లేఖలు తీసుకున్నారు, 32 పార్టీలు దేశంలో తెలంగాణకు అనుకూలంగా లేఖ ఇచ్చాయి, కేసిఆర్ వెళ్లి అడిగితే, కాంగ్రెస్ పార్టీకి సంబంధించిన నాయకులు వెళ్లి అడిగితే కాదు, అమరవీరులు ఇంకేదో, ఇంకేదో కూడా ముఖ్యమంత్రి మాట్లాడారు, చనిపోయిన ప్రతి అమరవీరుడు రాసింది, కాంగ్రెస్ పార్టీకి సంబంధించిన నాయకుల పేర్లే రాసి చనిపోయారు, కాంగ్రెస్ పార్టీ తెలంగాణ ఇంక ఎందుకు ఇవ్వట్లేదు అనే పేర్లు రాశారు చచ్చిపోయారు, కెసిఆర్ వల్ల తెలంగాణ ఆలస్యం అవుతుంది, కేసిఆర్ వల్ల తెలంగాణకు నష్టం జరుగుతుందని లెటర్లో రాసి చనిపోయిన అమరవీరులు ఎవరూ లేరు, తెలంగాణకు నష్టం కాంగ్రెస్ చేస్తోంది, కాంగ్రెస్ వల్ల మేము తెలంగాణ సాధించలేకపోతున్నాం, కాంగ్రెస్ వల్ల తెలంగాణ ఆలస్యం అవుతుంది అని, కాంగ్రెస్‌ని దోషిగా చూపి 1000 మందికి పైగా విద్యార్థులు , తెలంగాణ వాదులు ఆత్మహత్య చేసుకున్నారు. సో అటువంటి కాంగ్రెస్ పార్టీకి సంబంధించిన ముఖ్యమంత్రిగా మీరు ఉండండి, వచ్చి ఇప్పుడు తెలంగాణ తేవడానికి కేసిఆర్ కి ఏంటి సంబంధం అని మాట్లాడుతున్నారు, కేసిఆర్ తెలంగాణ అనే ఒక ఎజెండాని, తెలంగాణ రాష్ట్ర ఏర్పాటు ఎజెండా నుంచి, ఏ ఒక్క రోజు పక్కకు తప్పుకోలేదు కదా, కేసిఆర్ అనే ఒక వ్యక్తి లేకపోతే తెలంగాణ ఉద్యమం చుట్టూ, అన్ని పార్టీలు తిరగా తిరగాల్సిన పరిస్థితి వచ్చేది కాదు కదా, అటువంటి కేసిఆర్ తెలంగాణ జాతిపిత కాడు, అవునా కాదా పక్కన పెడితే కాడు, మరి ఎవరు, ఎవరికి అర్హత ఉంది. ప్రొఫెసర్ జయశంకర్‌ని తెలుగుదేశం పార్టీ ఎప్పుడైనా గౌరవించిందా, తెలంగాణ రాష్ట్రం ఏర్పడి, తెలంగాణ రాష్ట్రం ఏర్పడ్డ తర్వాత తొలి శాసనసభలో కూడా, మీరు తెలుగుదేశం పార్టీ ఎమ్మెల్యే, తెలుగుదేశం పార్టీ తెలంగాణకు మొదటి శత్రువు, తెలంగాణ సమాజం అంతా చూసిన మాట. ఈ మాట నేను ఎందుకు చెప్తున్నాను అంటే, తెలంగాణ రాష్ట్ర ప్రకటన వచ్చిన రోజు, అర్ధరాత్రి తెలంగాణ బిల్లు పార్లమెంట్లో పాస్ అయిన రోజు, ఎన్టీఆర్ ట్రస్ట్ భవన్ వేదికగా మీ పార్టీ అప్పటి అధ్యక్షుడు చంద్రబాబు నాయుడు గారు మాట్లాడిన మాటలు ఒకసారి మీరు గుర్తు చేసుకోండి. తెలంగాణ వచ్చిన రోజు సంబరాలు చేసుకున్నవాడు తెలంగాణ వాది అవుతారా, తెలంగాణ వచ్చిన రోజు అర్ధరాత్రి ఆక్రోశాన్ని వెల్లగక్కుతూ రాష్ట్ర విభజన అడ్డుకునే ప్రయత్నం చేసినవాడు తెలంగాణ వాళ్ళు అవుతారా, ఆలోచన చేయండి. ఎవరు మరి తెలంగాణ రాష్ట్ర ఏర్పాటుకు చంద్రబాబే కారణం కాబట్టి, చంద్రబాబు తెలంగాణ జాతిపతి అందామా, చంద్రబాబు నాయకత్వంలో మీరు పోరాటం చేసి తెలంగాణ తీసుకొచ్చారని చంద్రబాబుని తెలంగాణ జాతిపతిగా చేద్దామా, తెలంగాణ ఉద్యమానికి వ్యతిరేకంగా పనిచేసిన తెలుగుదేశం పార్టీ , ఈ రాష్ట్రంలో బ్రతకాలని కోరుకుంటున్నారు మీరు, తెలంగాణ రాష్ట్రం కోసమే పుట్టి, తెలంగాణ రాష్ట్రాన్ని సాధించి, తెలంగాణని 10 ఏళ్ల పాటు పాలించిన ఒక పార్టీ, తెలంగాణ వ్యతిరేక పార్టీ అని మీరు చెప్తున్నారు. తెలంగాణ సమాజం అంతా నమ్మాలి, ఇప్పుడు మీరు చెప్తున్నారు కాబట్టి ,చంద్రబాబుని తెలంగాణ జాతిపతిగా ప్రకటించేద్దామా, మీకు తెలంగాణను వ్యతిరేకించిన చంద్రబాబుపైన, తెలంగాణ ప్రకటన వచ్చిన రోజు, తెలంగాణ ఏర్పడ్డ రోజు తెలంగాణకు వ్యతిరేకంగా, తెలంగాణ రాష్ట్ర ఏర్పాటుకు వ్యతిరేకంగా, నల్ల కండవాలు వేసుకొని తిరిగిన చంద్రబాబు చాలా గొప్పవాడిగా, ఈ రాష్ట్రంలో ఉండాల్సిన నాయకుడిగా, మీకు కనపడుతున్నాడు. తెలంగాణ రాష్ట్రం కోసం పోరాడిన కేసీఆర్ మాత్రం శత్రువుగా ఎందుకు కనపడుతున్నాడు. మొత్తం ఉద్యమం అంతా, 14 ఏళ్ల ఉద్యమం తెలంగాణ ఉద్యమం ఎవరికి వ్యతిరేకంగా నడిచింది, కాంగ్రెస్ కి వ్యతిరేకంగా కదా నడిచింది. కాంగ్రెస్ పైన ఒత్తిడి తీసుకురావడమే కదా, తెలంగాణ ఉద్యమం ఆరోజు అందరం చూసింది, చేసింది, కెసిఆర్ ని ఏదో అనేసి, కేసిఆర్ పైన విమర్శ చేసి, కేసిఆర్ ని తక్కువగా చూపించి, మీరేదో ఎక్కువగా అవుదాం అనుకుంటే, అటువంటి విమర్శలు మీ స్థాయిని ఇంకా కురుచుగా చేస్తున్నాయి. అది ఏమాత్రం కూడా మంచిది కాదు, తెలంగాణ రాష్ట్రం కోసం నిరాహార దీక్ష చేసింది కేసీఆర్, తెలంగాణ రాష్ట్రం కోసం పదవులకు రాజీనామా చేసింది కేసీఆర్, కేసీఆర్ పార్టీ, తెలంగాణ రాష్ట్రం కోసం పార్లమెంట్లో కొట్లాడింది కేసీఆర్, కేసీఆర్ పార్టీ, తెలంగాణ రాష్ట్రం కోసం మీరు అప్పుడున్న తెలుగుదేశం పార్టీని, ఒప్పించి, ఆ పార్టీతో లేఖ ఇప్పించింది కెసిఆర్ పార్టీ, తెలంగాణ రాష్ట్రం కోసం కాంగ్రెస్‌ని ఒప్పించి, బిల్లు పెట్టక తప్పని పరిస్థితిని క్రియేట్ చేసింది కేసీఆర్, కెసిఆర్ పార్టీ. తెలంగాణ రాష్ట్రం కోసం భారతీయ జనతా పార్టీని ఒప్పించి, భారతీయ జనతా పార్టీ కూడా మద్దతు ఇచ్చేలా చేసింది కేసిఆర్ పార్టీ. ఇవన్నీ చేసిన కేసిఆర్ పార్టీ పక్కకెళ్ళిపోయి, తెలంగాణ ఉద్యమానికి వ్యతిరేకంగా, తెలంగాణ రాష్ట్ర ఏర్పాటుకు వ్యతిరేకంగా పని చేసిన తెలుగుదేశం పార్టీ నుంచి, మీరు ఎమ్మెల్యే గా ఎన్నికయి, అటువంటి పార్టీ ఇంకా ఈ రాష్ట్రంలో బతకాలని మీరు కోరుకుంటూ, మీరు కేసిఆర్ తక్కువ కేసిఆర్ జాతిపతి ఎలా అవుతాడు అని మాట్లాడితే, మిమ్మల్ని ఏమనుకోవాలో అర్థం కావట్లేదు. కులాల ప్రస్తావన తెలంగాణ రాజకీయాల్లో లేదు. ఎప్పుడు నిజానికి ఆ ప్రస్తావన అది రగిలించే ప్రయత్నాన్ని మీరు ఎందుకు చేస్తున్నారు. కేసిఆర్ ఒక కులం నాయకుడా, కేసిఆర్ ఏ జాతికి నువ్వు పితా అంటూ మీరు మాట్లాడిన మాటలు చూసిన తర్వాత జుగుప్స కలిగింది. తెలంగాణ రాజకీయాలో అటువంటి మాటలు లేవు ఎప్పుడు, తెలంగాణ రాజకీయాలో తెలంగాణ ఉద్యమం చేస్తున్న సందర్భంగా కేసీఆర్ ఒక కులానికి సంబంధించిన నాయకుడు అయితే మొత్తం సబ్బండ వర్ణాలు అన్ని రాజకీయ పార్టీలు కేసిఆర్ వెనక నిలిచి, తెలంగాణ ఉద్యమంలోకి వెళ్లవు, ఉద్యమకారుల గురించి ఈరోజు మీరు మాట్లాడుతున్నారు, ఎప్పుడు మీ రాజకీయ జీవితంలో ఉద్యమకారుల కోసం మీరు ఏం చేశారు, ఒకసారి ఆలోచన చేయండి, తెలంగాణ వాదుల పైన మీరు తుపాకి గురి పెట్టింది తెలంగాణ సమాజం మర్చిపోయిందా, తెలంగాణ ఉద్యమం అణిచివేయడం కోసం 2001 నుంచి 2004 వరకు చంద్రబాబు కో చేసిన ప్రయత్నాల్ని తెలంగాణ సమాజం మర్చిపోయిందా? తెలంగాణ అనే పదాన్ని అసెంబ్లీలో నిషేధించిన చంద్రబాబుని, తెలంగాణ సమాజం మర్చిపోయిందా. చెప్పండి మరి, మీరు ఎవరు అవుతారు జాతిపిత, కెసిఆర్ కాదు గాని, చంద్రబాబు నాయుడు అవుతారా, కాంగ్రెస్ పార్టీ, తెలంగాణ ద్రోహి కానీ, ద్రోహి కాదు కానీ, టిఆర్ఎస్ పార్టీ కేసిఆర్ తెలంగాణ ద్రోహి అవుతారా, మాట్లాడుతున్న మాటలు మనల్ని ఇంకా పలుచన చేస్తున్నాయి, మనం ఇంకా పలుచన ఎలా చేస్తాయని కనీస స్పృహ ముఖ్యమంత్రి స్థాయి వ్యక్తికి ఉండాల్సిన అవసరం కచ్చితంగా ఉంది.